Відэафакт: Бабёр хаваўся ў дзіцячым садку Бабруйска

Жывёліну адлавілі і выпусцілі на волю.

На тэрыторыі дзіцячага садка ў Бабруйску 10 красавіка выявілі бабра. Звер хаваўся ў сістэме вентыляцыі на тэрыторыі ўстановы, піша bobrlife.by.

Супрацоўнікаў МНС а 7 раніцы выклікала выхавальніца дзіцячага саду. Ратавальнікі ачапілі будынак і адлавілі жывёліну. Пасля агляду ў ветэрынарнай лякарні бабра адпусцілі ў натуральнае асяроддзе пасялення.