Дональд Трамп: OPEC штучна і вельмі моцна завысіла кошт нафты
1- 20.04.2018, 19:55
- 14,455
Пасля заявы прэзідэнта ЗША кошт барэля нафты Brent знізіўся.
Прэзідэнт ЗША выступіў з крытыкай Арганізацыі краін - экспарцёраў нафты (OPEC) праз высокі ўзровень кошту нафты. Кошты завышаныя "штучна", напісаў Трамп у Twitter у пятніцу, 20 красавіка. Цяперашняя сітуацыя з'яўляецца "непрымальнай", падкрэсліў прэзідэнт ЗША, паведамляе DW.
Looks like OPEC is at it again. With record amounts of Oil all over the place, including the fully loaded ships at sea, Oil prices are artificially Very High! No good and will not be accepted!
— Donald J. Trump (@realDonaldTrump) 20 апреля 2018 г.
Напярэдадні, у чацвер, 19 красавіка, кошт барэля нафты Brent падышоў да адзнакі 75 даляраў. Такіх значэнняў нафту Brent не дасягала тры з паловай гады, адзначае Reuters. Пры гэтым пасля заявы Трампа кошт барэля апусціўся да 73 даляраў 27 цэнтаў.
Абмежаванне на здабычу нафты
Істотны рост кошту нафтавы тлумачыцца, у тым ліку пагадненнем аб абмежаванні аб'ёмаў здабычы нафты, якое чальцы OPEC і шэраг іншых дзяржаў, якія не ўваходзяць у арганізацыю, уклалі ў 2016 годзе. У рамках пагаднення аб'ём здабычы сумарна скараціўся на 1,8 млн барэляў за дзень, каб ураўнаважыць попыт і прапанову на нафтавым рынку. Чарговае абмеркаванне вынікаў укладзенага пагаднення адбудзецца ў чэрвені 2018 года.
