Сярэдні кошт квадратнага метра ў Менску дарос да $1300
18- 23.04.2018, 12:33
- 12,597
Прапанова расце ўжо шэсць тыдняў запар.
Сярэдні кошт квадратнага метра ў кватэрах, выстаўленых на продаж, за тыдзень падняўся не істотна, на 0,2%, аднак дасягнуў 1300 даляраў, піша Realt.by. Гэты паказчык у народзе называюць коштам «жадання» - у рэальных угодах кошты падрасталі не так імкліва.
Запаволіўся да 0,2% за тыдзень рост коштаў і на першасным рынку. Сярэдні кошт кватэр у новабудоўлях Менска склаў 1277 даляраў за квадратны метр.
Самымі таннымі па-ранейшаму застаюцца Шабаны, Чыжоўка і раён Ангарскай. Серабранка коштамі прапановы зраўнялася з Грушаўкаю, Малінаўкай і Зялёным Лугам.