Лукашэнка даручыў увесці крымінальную адказнасць за ўжыванне допінгу
11- 24.05.2018, 19:44
- 13,606
За парушэнне антыдопінгавых правілаў спартоўцаў будуць пазбаўляць дзяржузнагарод, а федэрацыі - дзяржпадтрымкі.
Такія захады змяшчаюцца ва ўказе №201 «Аб супрацьдзеянні допінгу ў спорце», які падпісаў 24 траўня Аляксандр Лукашэнка.
Пра гэта паведаміла прэс-служба кіраўніка.
Цяпер у выпадку дыскваліфікацыі спартоўца або яго персаналу за допінг ім будзе забаронена займацца педагагічнай дзейнасцю ў сферы фізічнай культуры і спорту. Іх таксама абавяжуць кампенсаваць сумы стымулюючых выплат, прадугледжаныя пазбаўленні дзяржаўных узнагарод, да якіх яны былі прадстаўлены за адпаведныя спартыўныя вынікі.
За сістэматычнае грубае парушэнне антыдопінгавых правілаў федэрацыі (саюзы, асацыяцыі) могуць быць пазбаўлены права на атрыманне дзяржпадтрымкі, вызваленне ад падаткаў і збораў (мыт) замежнай бязвыплатнай дапамогі. Таксама магчыма іх выключэнне з рэестра федэрацый на тэрмін да двух гадоў.
У дачыненні да нацыянальных і зборных каманд у такіх выпадках прадугледжаныя захады, якія ўключаюць памяншэнне іх колькасці і фінансавання.
Ураду даручана прапрацаваць пытанне аб усталяванні крымінальнай адказнасці за выкарыстанне забароненых рэчываў і метадаў, а таксама за схіленне спартоўцаў да парушэння антыдопінгавых правілаў.
Раней Лукашэнка неаднаразова заяўляў, што да парушальнікаў будуць прымяняць самыя жорсткія захады.