Лукашэнка павіншаваў Азербайджан з Днём Рэспублікі і не павіншаваў Арменію
6- 28.05.2018, 11:11
- 13,510
У абедзвюх краінах сёння дзяржаўнае свята і непрацоўны дзень.
І Азербайджан, і Арменія адзначаюць 28 траўня Дзень Рэспублікі. У гэты дзень у 1918 годзе была абвешчаная незалежнасць Азербайджанскай Дэмакратычнай Рэспублікі і незалежнасць Рэспублікі Арменія. Абедзве спынілі існаванне ў 1920 годзе з прыходам бальшавікоў і ўтварэння савецкіх рэспублік, паведамляе «Радыё Свабода».
У абедзвюх краінах 28 траўня - дзяржаўнае свята і непрацоўны дзень.
На сайце прэс-службы Лукашэнкі на момант публікацыі размешчанае толькі віншаванне прэзідэнту Азербайджана Ільхаму Аліеву.
Віншаванні Арменіі не размешчаныя.
«Шчыра рады таму, што беларуска-азербайджанскае супрацоўніцтва характарызуецца як гістарычна прыязнымі стасункамі паміж нашымі народамі, так і актыўным імкненнем дзвюх краін да паглыблення стратэгічнага партнёрства», - гаворыцца ў віншаванні Лукашэнкі.
Два дні таму былі размешчаныя віншаванні з такой датай Грузіі - 26 траўня там адзначалі 100-годдзе аднаўлення дзяржаўнасці.