Apple зноў раскрыла беларускім сілавікам звесткі аднаго акаўнта

Apple ўжо не ўпершыню раскрывае інфармацыю на зварот беларускіх органаў.

Беларускія праваахоўныя органы звярнуліся ў Apple з двума афіцыйнымі запытамі і атрымалі неабходную інфармацыю. Як піша Tut.by, гэта вынікае са «справаздачы аб празрыстасці» кампаніі за другую палову 2017 года.

У дакуменце пазначана, што беларускі бок накіраваў два дакументы: аб адной прыладзе і аб адным уліковага запісе. Apple цалкам задаволіла запыты, раскрыўшы звесткі, не звязаныя з кантэнтам.

Apple ўжо не ўпершыню раскрывае інфармацыю паводле звароту беларускіх праваахоўных органаў. У першай палове 2016 года сілавікі звярталіся ў амерыканскую кампанію і атрымалі неабходную інфармацыю. А ў 2013 годзе на такую просьбу з Беларусі Apple адказала адмовай.

Згодна са свежай справаздачай, у другой палове 2017 года часцей за ўсё інфармацыю ў Apple патрабавалі з ЗША - 1790 запытаў ад сілавых органаў і яшчэ больш як 16 тысяч ад структур, звязаных з нацыянальнай бяспекай. Расейскія ўлады за паўгода накіравалі ў Apple 8 запытаў пра ўліковыя запісы (задаволілі адзін), польскія - 5 (станоўча адказалі на 3).

«У адказ на запыт аб уліковым запісе звычайна падаецца інфармацыя аб уліковым запісе ўладальніка iTunes або iCloud, напрыклад імя і адрас, - тлумачыць кампанія. - У некаторых выпадках нас просяць даць змест iCloud, у якім могуць быць захаваныя фатаграфіі, электронная пошта, рэзервовыя копіі прылад iOS, дакументы, кантакты, календары і закладкі. Мы разглядаем гэтыя запыты вельмі старанна і даем кантэнт толькі пры наяўнасці афіцыйнага ордэра на ператрус».

З паведамлення кампаніі, запыты ад праваахоўных органаў могуць тычыцца пошуку згубленых прылад, крэдытных карт, якія выкарыстоўвалі для пакупак супраць волі ўладальніка, а таксама выпадкаў, калі мяркуецца, што ўліковы запіс выкарыстоўвалася для супрацьпраўнай дзейнасці. Акрамя таго, запыты могуць тычыцца надзвычайных сітуацый, калі ёсць пагроза небяспекі для вялікай колькасці людзей.

«Калі мы атрымліваем запыт ад праваахоўных органаў з просьбай падаць асабістыя звесткі кліента, мы паведамляем кліенту аб запыце, калі нам проста не забаронена гэта рабіць», - пішуць прадстаўнікі Apple.