«Цяпер без хабару нават на працу не ўладкуешся»

У Беларусі расце колькасць карупцыйных злачынстваў.

У 2017 годзе ў Беларусі за карупцыю было асуджана амаль 800 чыноўнікаў і кіраўнікоў. Пры гэтым колькасць выяўленых карупцыйных злачынстваў працягвае павялічвацца. За студзень - красавік гэтага года ў Беларусі спынілі 940 такіх злачынстваў.

Intex-press спытала ў жыхароў Баранавічаў, чаму чыноўнікі не баяцца пакарання і бяруць хабары і «грошы ў канвертах».

- Цяпер без хабару нават на працу не ўладкуешся, - дзеліцца жыхарка Баранавічаў.

- Усе сядзяць пры кармушцы. Так уся сістэма ўладкаваная, - мяркуе малады бацька.

- Чыноўнікі проста прывыклі да беспакаранасці, - кажа пенсіянерка.