Францыя прадставіць грамадзянства мігранту з Малі, які выратаваў дзіця
3- 28.05.2018, 16:52
- 16,438
Мамуд Гасама стане пажарным і будзе выкарыстоўваць свае навыкі ў працы.
Улады Францыі дапамогуць атрымаць грамадзянства краіны грамадзяніну Малі Мамуду Гасама, які з рызыкай для жыцця выратаваў у Парыжы дзіця ад падзення з чацвёртага паверха, паведамляе «Радыё Свабода».
Відэа з 22-гадовым Гасама, які караскаецца ўгору па гаўбцах, каб дапамагчы маленькаму дзіцяці, шырока разышлося ў сацыяльных сетках. Героя відэа ў каментарах празвалі «Чалавекам-павуком» за прадэманстраваную адвагу і спрыт.
Hero climbs up outside of Paris building to save child dangling from balcony. This guy Peter Parker as in Spiderman! Humanity still exists.
— ᵈᵉʷᵃ ᵏˡᵃˢᶤᵏ ᵃˡᵉˣᵃᶰᵈᵉʳ (@Dewa_Klasik) 28 мая 2018 г.
Mamoudou Gassama (22 years old from Mali) scaled 4 storeys in 30 seconds to save child dangling. Good job brother, wakanda forever! pic.twitter.com/jJavpXDAGu
Мігранта з Малі, які прыехаў у Францыю некалькі месяцаў таму, прыняў у Елісейскім палацы прэзідэнт Эмануэль Макрон. Ён назваў ягоны ўчынак «выбітным» і паабяцаў, што французскія ўлады дапамогуць ягонай легалізацыі ў краіне. Макрон прапанаваў Гасама пасля атрымання неабходных дакументаў стаць пажарнікам і выкарыстоўваць свае навыкі «на штодзённай аснове».