У Беларусі хочуць пачаць выпускаць «сурвэткашкарпэткі»

Фактычна, гэта скрынка з запасам чыстых шкарпэтак на 7 дзён.

ААТ «Берасцейскі панчошны камбінат» збірае на краўдфандынгывый платформе Ulej грошы на вытворчасць новага прадукту пад назвай «шкарпэтнiцы» - сурвэтніцы для шкарпэтак. Для гэтага неабходна 2 011 рублёў, піша the-village.me.

«Шкарпэтнiцы» атрымалі сваю назву дзякуючы спосабу здабывання шкарпэтак са скрынкі - ён нагадвае выманне сурвэтак. Фактычна, гэта скрынка з запасам чыстых шкарпэтак на 7 дзён.

Лінія сурвэткашкарпэтак будзе прэзентаваная ў двух варыянтах «сурвэтніцы»: з натуральнага дрэва і кардона. Унутры знаходзяцца мужчынскія шкарпэткі 25, 27, 29 памераў чорнага колеру без малюнка.

Усе ахвочыя першымі выпрабаваць Fresh Socks ужо могуць пакінуць заяўку на платформе «Вулей».

Нагадаем, што Берасцейскі панчошны камбінат ужо выпускаў «шкарпэткі ў бляшанцы» для мужчын і жанчын.