FT: ЗША вымушаюць Кітай падпісаць доўгатэрміновыя кантракты на імпарт энэргарэсурсаў
1- 28.05.2018, 18:35
- 9,377
Амерыканскія ўлады спрабуюць скараціць двухбаковы гандлёвы дэфіцыт.
ЗША дамагаюцца ад Кітая падпісання доўгатэрміновых кантрактаў на імпарт амерыканскіх сельгаставараў і энэргарэсурсаў. Пра гэта піша Financial Times.
Як стала вядома, такім чынам амерыканскія ўлады спрабуюць скараціць двухбаковы гандлёвы дэфіцыт сумаю ў $337 млрд.
«Але гэты крок можа азначаць адмову кітайскага бізнэсу ад ключавых хаўруснікаў ЗША, такіх як ЕЗ, Аўстралія, Бразілія і Аргентына, чый экспарт можа быць закрануты гамбітам прэзідэнта (ЗША) Дональда Трампа», - паведамляе выданне.
Як чакаецца, падчас паездкі ў Кітай міністр гандлю ЗША Уілбур Рос закране тэму дадатковых закупак тавараў, якія Пекін на гэты момант імпартуе з іншых краін.