Прэзідэнт Парагвая сышоў у адстаўку

Прашэнне аб адстаўцы было пададзенае сёння.

Прэзідэнт Парагвая Арасія Картэс у панядзелак падаў прашэнне аб адстаўцы на імя кіраўніка нацыянальнага кангрэса, каб стаць сенатарам, паведаміў сам Картэс у сацыяльных сетках, паведамляе ria.ru.

«Падаю сваё прашэнне аб адстаўцы з пасады прэзідэнта рэспублікі Парагвай. Каб працягнуць служыць краіне ў сенаце, выконваючы народную волю, выказаную пры галасаванні. Няхай беражэ Бог Парагвай», - напісаў Картэс у сваім мікраблогу ў Twitter.

Картэс знаходзіўся ва ўладзе ў Парагваі са жніўня 2013 года. У жніўні гэтага года ён у любым выпадку пайшоў бы з пасады, бо ў красавіку новым прэзідэнтам быў абраны кандыдат ад кіруючай правай партыі «Каларада» Марыё Абда Бенітэс. Абда - сын сакратара Альфрэда Стрэснера, апошняга дыктатара Парагвая, які кіраваў гэтай краінай у 1954-1989 гадах. Новы прэзідэнт зойме пасаду 15 жніўня.

Паводле закона, пасля адстаўкі Картэса ў выпадку яе зацвярджэння парламентам выканаўцам абавязку кіраўніка дзяржавы да жніўня стане віцэ-прэзідэнт Алісія Пучэта.