У Менску здаецца кожная дванаццатая кватэра

Звесткі ўражваюць.

Ад грамадзян, якія падаюць жылыя памяшканні ў арэнду на доўгатэрміновай аснове, з пачатку гэтага года ў бюджэт паступіла больш за 6 мільёнаў рублёў, - такія звесткі дала ІМПЗ горада Менску агенцтву «Менск-Навіны». Падаткавікі ўдакладнілі, што на афіцыйнай здачы лішніх кватэр зарабляе 53 тысячы менчукоў. Tut.by паспрабаваў прыкінуць, які адсотак прыватных кватэр у сталіцы здаецца.

Паводле звестак Белстата, колькасць кватэр ва ўласнасці фізічных асоб у Менску паводле вынікаў 2017 году - 731,6 тысячы.

На ўліку ў падатковай у якасці кватэраздатчыкаў знаходзяцца больш як 53 тысячы фізічных асоб. Частка іх здае па некалькі кватэр. «Адкрыю вам невялікі сакрэт, які не ўтрымлівае падатковай таямніцы: у нашай краіне ёсць тры чалавекі, у карыстанні якіх 14 кватэр, блізу 12 чалавек маюць 13 кватэр», - распавядаў два гады таму кіраўнік МПЗ. Ды гэта сапраўды не сакрэт: інвестыцыі ў кватэры пад арэнду - адзін са звыклых для сталіцы бізнэсаў. А каб бізнэс быў стабільным, трэба здаваць хаця б некалькі кватэр. Акрамя таго, існуе дзённая арэнда - так здаюць кватэры індывідуальныя прадпрымальнікі. «Дзённых» апартаментаў цяпер у Менску блізу тысячы.

Акрамя таго, за кадрам застаюцца сотні, а то і тысячы кватэр, якія здаюцца без дамоў. Гэта ўскосна пацвярджаюць і вынікі праверак падаткавікоў. З пачатку года яны правялі 195 выніковых «кантрольных мерапрыемстваў». У бюджэт даналічана амаль 30 тысяч рублёў падаткаў, пені і штрафаў.

Паводле грубых падлікаў, у Менску выходзіць ад 60 да 70 тысяч кватэр, якія здаюцца ў арэнду. Выходзіць, здаецца кожная 12-я, а то і 11-я кватэра.