Амаль мільён беларусаў наведаў Літву ў 2017 годзе

Летась у Літву прыехала 968 тысяч турыстаў з Беларусі. Гэта больш, чым з кожнай іншай краіны.

Турыстаў з Польшчы было амаль 785 тысяч, а з Расеі - амаль 716 тысяч.

Беларусы таксама часцей за іншых заставаліся ў Літве на адну і больш начэй (432,1 тысячы).

А вось толькі на дзень у Літву з-за мяжы больш за ўсё прыязджала палякаў (566,6 тысячы супраць 536 тысяч беларусаў і 459,1 тысячы расейцаў).

У 2017 годзе беларускіх турыстаў у Літву прыехала на 17% больш, чым у пазамінулым годзе.

Сярэдні турыст траціць у Літве 345,4 еўра за візіт.

Такія лічбы прыводзіць Літоўскі дэпартамент статыстыкі.