У Пецярбургу на свяце «Пунсовыя ветразі» загінуў чалавек
- 24.06.2018, 13:51
- 13,444
Трагедыя адбылася падчас феерверку.
У Пецярбургу ў суботу ўвечары адбылося свята выпускнікоў «Пунсовыя ветразі», на які сёлета прыйшлі не толькі жыхары горада, але і футбольныя фанаты з розных краін, якія засталіся пад вялікім уражаннем ад убачанага.
Аднак не абышлося без трагічных здарэнняў.
Падчас феерверку з набярэжнай Лейтэнанта Шміта зваліўся ў ваду і патануў 50-гадовы мужчына. Вадалазы знайшлі цела праз гадзіну.
Паводле інфармацыі выдання «Фонтанка», пецябруржац назіраў за заканчэннем свята непадалёк ад дома. Блізу гадзіны ночы, пад чарговы залп салюту, ён спатыкнуўся і ўпаў у Няву.
Яшчэ адно надзвычайнае здарэнне адбылося на Палацавай набярэжнай. Там дах прычэпа грузавіка не вытрымаў вагі гледачоў, якія ўзабраліся на яго і жадалі лепей разгледзець шоў, праваліўся разам з людзьмі падчас салюту. З расказах сведак у паблік «ДТЗ і ПП», «шэсць чалавек з тых, хто стаяў зверху, былі перакінутыя праз паркан на набярэжную ў кайданках».