У Іране на фоне падзення курсу рыала аднавіліся масавыя акцыі пратэсту
1- 24.06.2018, 19:26
- 10,442
У сацсетках пад тэгам #IranProtests публікуюцца паведамленні пра акцыі пратэсту, якія набіраюць сілу.
На фоне падзення курсу іранскага рыала ў Тэгеране аднавіліся масавыя акцыі пратэсту. У нядзелю, 24 чэрвеня, свае крамы зачынілі гандляры мабільнымі тэлефонамі і электронікай. У найбуйнейшым гандлёвым цэнтры іранскай сталіцы сотні людзей патрабавалі ад урада прыняцця тэрміновых захадаў для ўмацавання ўнутранага рынку, піша newsru.co.il.
Сайт Erem News піша, што ўдзельнікі гэтай акцыі пратэсту таксама патрабавалі адстаўкі міністра сувязі.
"Leave Syria alone. Think of us instead". Political chants in Tehran today as public anger grows over regime's economic policies. (video via MEK network in Iran). The June 30 #FreeIran2018 convention in Paris is in solidarity with the #IranProtests @realDonaldTrump @VP @SecPompeo pic.twitter.com/0nxau8Y8nj
— M. Hanif Jazayeri (@HanifJazayeri) 24 июня 2018 г.
У сацыяльных сетках пад тэгам #IranProtests публікуюцца паведамленні пра акцыі пратэсту, якія набіраюць сілу. На адным з відэа, знятым у гандлёвым цэнтры Тэгерана, удзельнікі мітынгу скандуюць: "Пакіньце ў спакоі Сірыю! Займіцеся ўласнымі праблемамі!"
У нядзелю, на неафіцыйным рынку курс рэал упаў да рэкордна нізкага ўзроўню ў дачыненні да даляра. Калі ў чацвер даляр можна было купіць за 75 000 рыалаў, то ў нядзелю - за 87 000.
