Вызначаны найлепшы смартфон для фатаграфавання
7- 15.07.2018, 19:18
- 30,234
Міжнародная асацыяцыя фотапрэсы назвала найлепшы смартфон для фота ў 2018 годзе.
Міжнародная асацыяцыя фотапрэсы Technical Image Press Association (TIPA) назвала найлепшы смартфон для фатаграфавання 2018. Сёлета ім стаў Huawei P20 Pro, за які прагаласавалі прадстаўнікі 29 спецыялізаваных выданняў-сябраў асацыяцыі з усяго свету, паведамляе topgeek.com.
Нагадаем, Huawei P20 Pro абсталяваны першай у свеце патройнай камерай Leica з найбольшай колькасцю пікселяў сярод смартфонаў, даступных на рынку. 40-мегапіксэльны RGB-сэнсар, 20-мегапіксэльны манахромны сэнсар і 8-мегапіксэльны сэнсар з телефоталінзай з 3-кратнай аптычнай стабілізацыяй. Камеры маюць аб'ектывы f/1.8, f/1.6 і f/2.4 адпаведна.
Усё гэта ў спалучэнні з больш чым 500 алгарытмамі распазнання сцэн у 19 катэгорыях, якія працуюць пад кіраваннем штучнага інтэлекту, дазваляе спажыўцам без намаганняў здымаць фатаграфіі прафесійнага ўзроўню.
«Другі год запар экспэрты TIPA адзначаюць смартфон брэнда Huawei за яго перавагу ў галіне смарт-фатаграфіі, - сказаў Томас Герверс, старшыня TIPA. - Новы P20 Pro, камеры якога створаны ў супрацоўніцтве з Leica, з'яўляецца чарговай дзіўнай вяхой у развіцці смартфонаў для высакаякаснай фатаграфіі».