Лукашэнка – маладой маці: Колькі дзетак? Адзін? Амаль і не мама
54- 11.08.2018, 12:12
- 49,372
Дыктатар зноў прадэманстраваў сваё невуцтва.
Лукашэнка зноў закрануў тэму нараджальнасці, наведваючы 10 жніўня «Гомсельмаш», піша сайт тэлеканала «Белсат».
Падчас размовы з супрацоўнікамі «Гомсельмаша» інжынерка прадпрыемства, маладая мама Марына Косная падзякавала «ад імя ўсіх мамаў» Лукашэнку за рэканструкцыю – за адкрыццё новага корпуса Гомельскай абласной дзіцячай клінічнай лякарні.
– Колькі дзетак?
– Адзін.
– Амаль і не мама.
– Будзем старацца, – засмяялася Марына Косная.
– Калі патрэбная дапамога – звяртайцеся, – дадаў Лукашэнка.
Ягоныя словы былі сустрэтыя дружным рогатам супрацоўнікаў прадпрыемства. Лукашэнка ў сваю чаргу дадаў, што трэба нараджаць не аднаго, а траіх дзяцей.
Гутарку паказалі ў сюжэце тэлеканала «Беларусь-1».
На мінулым тыдні падчас наведвання Мёрскай цэнтральнай раённай лякарні Аляксандр Лукашэнка таксама заяўляў, што беларускі павінны больш нараджаць. «Мінімум трох-чатырох дзяцей трэба нараджаць», – заявіў ён.