У Францыі аўтамабіль заехаў у натоўп каля клуба
1- 19.08.2018, 17:07
- 11,562
Пацярпелі сем чалавек.
Сем чалавек пацярпелі ў выніку наезду аўтамабіля на натоўп у горадзе Камбры на поўначы Францыі, піша «Новое время».
Як паведамляе тэлеканал LCI, інцыдэнт адбыўся каля начнога клуба. Дакладныя прычыны здарэння невядомыя. Са слоў крыніцы тэлеканалу ў паліцыі, гэта адбылося пасля канфлікту з ахоўнікам.
Васямнаццацігадовы кіроўца спачатку збіў людзей, у тым ліку ахоўніка, а затым заехаў у слуп. Двое з сямі пацярпелых былі эвакуіраваны гелікаптэрам з месца здарэння і шпіталізаваныя. Паводле іншых звестак былі шпіталізаваны ўсе сем параненых, двое з якіх былі ў цяжкім стане.
Кіроўцу затрымалі і ўзялі пад варту. Паводле звестак France3, падазраваны кіраваў машынай Audi A3. Паводле звестак тэлеканалу, кіроўца знаходзіўся ў стане алкагольнага ап'янення і раней быў абвінавачаны ў правапарушэннях.