У Рагачове мужчына праз футбол збіў чужое дзіця
13- 12.09.2018, 14:33
- 14,787
Інцыдэнт адбыўся на дзіцячай пляцоўцы.
Увечары 8 верасня ў Рагачове ў адным з мікрараёнаў завода «Дыяпраектар» на дзіцячай пляцоўцы дарослы мужчына збіў 12-гадовага хлопчыка. Пра гэта ў міліцыю паведаміла мама пацярпелага. Падрабязнасці распавядае мясцовая газета «Свабоднае слова».
У суботні вечар хлопцы гулялі ў футбол на дзіцячай пляцоўцы. У гэты момант падышоў мужчына з 7-гадовым сынам і прапанаваў падлеткам пагуляць у футбол разам. У выніку адбыўся канфлікт: 12-гадовы падлетак ударыў 7-гадовага хлопчыка. Мужчына ў адказ нанёс цялесныя пашкоджанні падлетку, распавялі ва УУС Гомельскага аблвыканкама.
Абодва дзіцяці былі дастаўленыя ў цэнтральную раённую бальніцу. Пагрозы іх жыццю няма. Праверкай займаецца міліцыя.
Папярэдне ў інцыдэнце маюцца прыкметы хуліганства.