Сябры Змітра Паліенкі распавялі, як на яго ціснуць за месяц да вызвалення

Палітвязень павінен выйсці на волю 24 верасня.

24 кастрычніка на волю павінен палітвязень Зміцер Паліенка, паведамляе «Белсат».

На 25 верасня была запланаваная сустрэча вязня з бацькам. 13 верасня адміністрацыя калоніі правяла прагляд асабістых рэчаў Паліенкі, пасля чаго спатканне з бацькам скасавалі, паведаміла Марына Насенка, сяброўка Паліенкі.

«Забралі ўсе лісты, паштоўкі і асадкі, лісты, якія ён хацеў дасылаць на днях сам. На падставе таго, што гэтыя рэчы «не адпавядаюць спісу», яму адмянілі спатканне з бацькам», – напісала Насенка.

Такім чынам, вязень не зможа атрымаць перадачу, якую ягоныя сябры і родныя сабралі, каб перадаць праз з бацьку.

«За месяц да вызвалення… спрабуюць максімальна ціснуць на вязня ў межах «дазволенага», пакуль есць магчымасць», – дадае Насенка.

24-гадовы Зміцер Паліенка падлеткам уступіў у беларускае аддзяленне Нацыянал-бальшавісцкай партыі, неаднаразова сядзеў на сутках за ўдзел у акцыях арганізацыі. Вясной 2014-га Паліенка выйшаў з НБП і далучыўся да анархістаў.

У кастрычніку 2016-га Паліенку асудзілі на 2 гады зняволення з адтэрміноўкаю за напад на міліцыянта падчас роварнага заезду «Крытычная маса», які прайшоў у Менску. Паводле міліцыі, Паліенка счапіўся з супрацоўнікам і парваў яму форменнае адзенне. Бацька актывіста распавёў, што ягоны сын заступіўся за сябра, адносна якога міліцыянт ужыў фізічную сілу.

Летась Паліенку зноў арыштавалі: суд скасаваў адтэрміноўку і адправіў Паліенку адбываць рэшту тэрміну ў Бабруйскую калонію. Міжнародная праваабарончая арганізацыя «Amnesty International» прызнала Паліенку вязнем сумлення.