Эрдаган капіюе Лукашэнку?
3- 18.09.2018, 9:11
- 13,216
Абодва кіраўнікі робяць супярэчлівыя заявы пра атрыманыя дарагія падарункі.
Прэзідэнт Турцыі Рэджэп Таіп Эрдаган патлумачыў, чаму прыняў самалёт Boeing 747-8 коштам блізу $500 млн ад эміра Катара Таміма бін Хамада Аль Тані, піша «Салідарнасць».
Са слоў Эрдагана гэта падарунак, а не купля.
- Ён (эмір) сказаў: «Я не буду браць грошы ад Турцыі. Я даю яго ў якасці падарунка, - прыводзіць Reuters словы Эрдагана.
- Мы будзем лётаць на ім. Гэта самалёт Турэцкай Рэспублікі, а не мой асабісты, - падкрэсліў ён.
Заява прэзідэнта Турцыі выглядае як апраўданне. Пасля таго, як у Эрдагана з'явіўся новы самалёт, дэпутат парламента ад апазіцыйнай Рэспубліканскай народнай партыі Сезгін Танрыкулу выказаў занепакоенасць з нагоды таго, што самалёт быў набыты, а не ахвяраваны, адзначыўшы, што Турцыя знаходзіцца ў эканамічным крызісе.
А цяпер успомнім, як пасля крызісу 2011 года Лукашэнка распавядаў журналістам пра дарагі падарунак ад аднаго расейскага чалавека.
Са слоў кіраўніка Беларусі, «Майбах» ён аддаў у гараж дзяржаве. Неўзабаве пасля гэтага прызнання аўтамабіль гэтай маркі быў заўважаны ў картэжы дыктатара.