Сіноптыкі: Заўтра будзе да +27°С

Прагноз надвор'я на тры дні.

19 верасня надвор'е ў Беларусі будзе вызначаць вобласць падвышанага атмасфернага ціску, сфармаваная ў цёплай паветранай масе, паведамляе Гідрамет.

Чакаецца пераменная воблачнасць. Без ападкаў. Раніцай у асобных раёнах можа згушчацца слабы туман. Вецер паўднёва-заходні сярэдні. Тэмпература паветра ўначы і раніцай панізіцца да +8.. +14°С, у другой палове дня падвысіцца да +21.. +27°С. Атмасферны ціск істотна не зменіцца.

20-21 верасня надвор'е ў нашай краіне абумовяць вобласць падвышанага атмасфернага ціску і цёплыя паветраныя масы, якія распаўсюджваюцца з паўднёва-заходняй Еўропы. Чакаецца пераменная воблачнасць. Пераважна без ападкаў. Уночы і раніцай у асобных раёнах туман. Вецер паўднёва-заходні, паўднёвы сярэдні. Тэмпература паветра ўначы складзе +9.. +15°С, месцамі паветра можа ахалоджвацца да +5.. +8°С; дзённы максімум тэмператур будзе знаходзіцца ў межах +22.. +28°С.