Санкцыі ЗША абрынулі экспарт нафты Ірана

Администрации Трампа потребовалось менее 50 дней для реализации своего плана.

Адміністрацыі Трампа спатрэбілася менш за 50 дзён для рэалізацыі свайго плана.

Агрэсіўна і не дыпламатычна, але надзвычай эфектыўна: амаль за 50 дзён да ўваходжання ў дзеянне новых санкцыяў ЗША да іранскай нафты прэзідэнту Дональду Трампу ўжо ўдалося абрынуць экспарт краіны і прычыніць Тэгерану сур'ёзную эканамічную шкоду, піша finanz.ru.

Экспарт іранскай нафты ўпаў прыкладна на 35 адсоткаў з красавіка. У траўні Трамп абвясціў аб новых нафтавых санкцыях, разарваўшы дыпламатычны кантракт з Іранам, які ўклаў Барак Абама, каб стрымаць ядзерную праграму Тэгерана.

«Экспарт іранскай нафты падае даволі моцна», - сказаў Роджэр Дзіван, ветэран нафтавай аналітыкі ў кансалтынгавай кампаніі IHS Markit Ltd.

Больш моцнае, чым чакалася, скарачэнне, маштаб якога яшчэ ўзрасце, стала перамогай Трампа, які заняў больш жорсткую пазіцыю што да Ірану. Гэта стала краевугольным каменем ягонай замежнай палітыкі. Ён наважыўся ўвесці санкцыі, нягледзячы на апазіцыю ў Еўропе і адкрытае супрацьстаянне з боку Кітая і Індыі, вядучых пакупнікоў іранскай нафты. Калі санкцыі былі абвешчаныя, іх аднабаковы характар прымусіў многіх на нафтавым рынку ўсумніцца ў іх эфектыўнасці.

Паводле звестак Міжнароднага валютнага фонду, на нафту прыпадае амаль 80 адсоткаў падатковых паступленняў Ірана, што робіць сыравіну жыццёва важнай для эканомікі краіны. Па меры падзення экспарту нафты іранскі рыял страціў 60 адсоткаў на неафіцыйным рынку і запусціў інфляцыю.

У той час як поспех санкцый дапаможа Трампу націснуць на Іран, магчымы і менш жаданы пабочны эфект - больш высокія кошты нафты для амерыканскіх спажыўцоў напярэдадні лістападаўскіх прамежкавых выбараў.

Санкцыі адбіваюцца на сусветным нафтавым рынку: нафта маркі Brent ўзнімалася вышэй за $80 за барэль на мінулым тыдні. Нягледзячы на тое, што Расея і Саудаўская Арабія, якія цесна супрацоўнічаюць у нафтавай галіне апошнія два гады, кампенсавалі шэраг наступстваў за кошт павелічэння ўласнай здабычы, трэйдары робяць стаўку на тое, што гэтага будзе недастаткова, каб кампенсаваць усе страчаныя іранскія пастаўкі.