Фотафакт: У Італіі прайшла першая ў свеце падводная дыскатэка

У 40-метровым басейне гралі дыджэі з Лондана і Бэрліна, а музыка гучала з падводнай акустыкай.

У італійскім горадзе Падуя адбылася першая ў свеце дыскатэка пад вадой. Яе танцпляцам быў басэйн, а наведвальнікі танчылі ў кіслародных масках, піша korrespondent.net.

Мерапрыемства прайшло ў 40-метровым басэйне, які напоўнілі чатырма мільёнамі літраў вады. Пагрузіцца ў яго мог кожны наведвальнік, надзеўшы кіслародную маску. Частка прысутных не адважылася спусціцца на падводны танцпляц, застаўшыся на сушы.

У вадзе была арганізаваная падводная акустыка, а для наведвальнікаў гралі дыджэі з Брытаніі і Нямеччыны. Музыкі знаходзіліся на дне ў празрыстым тунэлі.

Арганізатарам унікальнай дыскатэкі стаў мясцовы брэнд піва.