23 траўня 2019, Чацвер, 11:23
За нашу і вашу свабоду!
Рубрыкі

Леанід Судаленка дапамагае бацьку загінулага на прадпрыемстве сына знайсці справядлівасць

4
ЛЕАНІД СУДАЛЕНКА
ФОТА: CHARTER97.ORG

Прадпрыемства адмаўляецца прызнаць віну ў гібелі 35-гадовага мужчыны.

16 студзеня жыхар Рэчыцы Яўген Недабуга з дапамогай прафзвязу РЭП абскардзіў у раённым судзе адмову ААТ «Буравая кампанія «Дэльта» прызнаць віну ў гібелі на прадпрыемстве 35-гадовага сына Аляксея. Мужчына з дапамогай незалежнага прафзвязу разлічвае аднавіць у трагедыі справядлівасць, паведамляе gomelspring.org.

Інтарэсы пацярпелай сям'і ў судзе прадстаўляе прававы інспектар працы прафзвязу РЭП Леанід Судаленка.

Прафзвязны юрыст падрыхтаваў скаргу ў суд і распавёў, як па дарозе да месца працы на службовым аўтамабілі работнікі свідравой кампаніі «Дэльта», якая мела падрад на расейскім Уралкалію патрапілі ў ДТЗ. З пяці рабочых загінулі трое, у тым ліку і майстар будаўніча-мантажных работ Аляксей Недабуга.

На заключэнне дзяржінспекцыі працы Пермскага краю РФ, вінаватымі асобамі за няшчасны выпадак прызнаныя службовыя асобы працадаўцы, якія не правялі перадрэйсавы медагляд кіроўцы і тэхагляд службовага аўтамабіля.

«Вінаватым у ДТЗ, што адбылося прызнаны і гендырэктар прадпрыемства Мікалай Чарнашэй, які не забяспечыў кантроль за выкананнем службовых абавязкаў падначаленымі работнікамі ААТ «Буравая кампанія «Дэльта». Тым не менш, прадпрыемства стала на шлях непрызнання сваёй віны, указаўшы ў Акце аб няшчасным выпадку на вытворчасці толькі віну саміх загінулых у ДТЗ», - адзначыў інспектар працы.

Ён таксама дадаў, што для жонкі і двух малалетніх дачок, а таксама бацькоў працоўнага, што загінуў на прадпрыемстве, у першую чаргу важная справядлівасць.

«Ніхто не ў стане вярнуць загінулых, а вось аднавіць справядлівасць, г.зн. абавязаць працадаўцу прызнаць сваю віну ў трагедыі мы ў сілах», - дадаў Судаленка.

Нагадаем, згодна з заканадаўствам у сям'і загінулага і ў яго бацькоў ёсць права і на атрыманне выплаты за прычыненне маральнай шкоды, што спаганяецца з вінаватых асоб.