Патрыярх Кірыл стаў ганаровым прафесарам Расейскай акадэміі навук
37- 18.01.2019, 18:55
- 16,753
Начальніку РПЦ надалі навуковую годнасць за «папулярызацыю навукі».
Кіраўнік РПЦ стаў ганаровым прафесарам Расейскай акадэміі навук (РАН). Пра гэта 18 студзеня паведаміла "Інтэрфаксу" прэс-сакратарка РАН Святлана Папова.
Са слоў Паповай, Кірыл стаў ганаровым прафесарам як "вялікі папулярызатар навукі" і сябар навукоўца Сяргея Капіцы і экс-прэзідэнта РАН Юрыя Осіпава.
Прэс-сакратарка РАН адзначыла, што патрыярх Кірыл шмат разоў удзельнічаў у здымках навуковай праграмы "Відавочнае - неймавернае", вядоўцам якой быў Капіца. Акрамя таго, ён знаў бацьку Капіцы, лаўрэата прэміі Нобэля ў фізіцы Пятра Капіцы.
Таксама годнасць ганаровага прафесара надалі старшыні Рады Федэрацыі РФ Валянціне Мацвіенцы. За што атрымае ранг Мацвіенка - не ўдакладняецца.
Цырымонія надання годнасці пройдзе 22 студзеня ў будынку РАН на Вараб'ёвых гарах.
7 студзеня Кірыл заявіў, што карыстанне электроннымі прыладамі можа наблізіць апакаліпсіс.