Znak.com: Выбух дома ў Магнітагорску - тэракт

Пасля гэтага паведамлення расейскі сайт некаторы час быў недаступны.

Абрынанне пад'езда ў дзесяціпавярховым доме ў Магнітагорску, тое, што здарылася 31 снежня 2018 года, і НЗ з “Газэллю”, якое адбылося ўвечары 1 студзеня, звязаныя, паведаміла крыніца Znak.com.

Са слоў нашага суразмоўцы, месца выбуху ў доме №164 на Карла Маркса выяўленае - гэтую кватэру 30 снежня зняў мужчына. Як сцвярджае крыніца, там выяўлены сляды выбухоўкі.

“Трое тэрарыстаў забітыя ўвечары 1 студзеня ў аўтамабілі "Газель", яны спрабавалі адстрэльвацца. Яшчэ адзін уцёк жывым, яго шукаюць”, - кажа крыніца Znak.com.

Паводле яе слоў, першапачаткова тэракт планавалі зладзіць у адным з гандлёвых цэнтраў Магнітагорска.

“Мы пакуль не каментуем інфармацыю”, - паведамілі ва УФСБ Чэлябінскай вобласці. Такім чынам, афіцыйных пацверджанняў інфармацыі пакуль няма.

Адзначым, што пасля публікацыі навіны пра магчымы тэракт у Магнітагорску сайт Znak.com некаторы час быў недаступны.

Як паведамлялася, 31 снежня 2018 года а шостай раніцы адбылася страшная трагедыя - праз выбух абрынуўся пад'езд у дзесяціпавярховы доме ў Магнітагорску на вуліцы Карла Маркса, 164. З-пад завалаў дасталі дзевяць целаў, яшчэ блізу 30 чалавек лічацца зніклымі. Распачатая крымінальная справа.

1 студзеня ў Магнітагорск прыляцеў кіраўнік СКР Аляксандр Бастрыкін. Раней у Магнітагорску пабываў прэзідэнт РФ Уладзімір Пуцін.

Афіцыйна ФСБ заяўляла аб выбуху бытавога газу ў доме.