Савудаўская Арабія і ААЭ абвясцілі аб стварэнні сумеснай крыптавалюты
1- 20.01.2019, 13:55
- 8,701
Дзяржавы расказалі пра мэты эксперыменту.
Савудаўская Арабія і Аб'яднаныя Арабскія Эміраты абвясцілі пра запуск пілотнага праекта стварэння сумеснай крыптавалюты.
Краіны вылучылі такую ініцыятыву на пасяджэнні выканаўчага камітэта сумеснай каардынацыйнай рады, якое прайшло ў Абу-Дабі, паведамляе эмірацкае агенцтва WAM.
На пачатковым этапе крыптавалюта будзе выкарыстоўвацца толькі пры ўнутрыбанкаўскіх аперацыях.
Асноўнымі мэтамі эксперыменту будзе паляпшэнне разумення выкарыстання тэхналогіі блокчэйна і вывучэнне ўплыву адзінай валюты на манетарную палітыку.