Папулярнасць Макрона расце нягледзячы на пратэсты
2- 20.01.2019, 15:27
- 8,515
Рэйтынг прэзідэнта Францыі падняўся на чатыры пункты за месяц.
Папулярнасць прэзідэнта Францыі Эмануэля Макрона вырасла на чатыры пункты за месяц да 27%.
Пра гэта сведчаць вынікі апытання Ifop, паведамляе Le Figaro.
З гэтых 27% рэспандэнтаў 5% заявілі, што яны «вельмі задаволеныя» Макронам у якасці прэзідэнта Францыі (+1), а 22% кажуць, што яны «агулам задаволеныя» (+3).
72% французаў застаюцца «незадаволенымі», 40% з іх «вельмі незадаволеныя» (-5) і 32% «агулам незадаволеныя» (+1).
У мінулым месяцы Макрон наблізіўся да ўзроўню папулярнасці Франсуа Аланда (22%) пасля той жа працягласці на пасадзе кіраўніка дзяржавы, але застаецца вельмі далёка ад 44% Нікаля Сарказі.
Апытанне праводзілася ў рэжыме онлайн і праз тэлефон у перыяд з 11 да 19 студзеня і праводзілася згодна з метадам квотаў з выбаркай з 1928 чалавек, якая прадстаўляе насельніцтва Францыі ва ўзросце 18 гадоў і старэйшых. Хібнасць ад 1 да 2,2%.