Адно з самых прыгожых месцаў у свеце: грэцкія Метэоры з манастырамі, якія лунаюць у небе

Хрысціяне ўважалі гэтае месца дарункам і шэдэўрам Бога.

Скалы Метэоры знаходзяцца ў цэнтральнай частцы Грэцыі, у рэгіёне Фесалія. Ля іх падножжа размясціўся горад Каламбака, піша delfi.lv.

Гэта месца настолькі асаблівае, бо на вяршынях скал-"вежаў" дзейнічае некалькі старажытных манастыроў, якія ўпрыгожваюць ландшафт і вабяць турыстаў, скіраваных уверх да іх па зігзагападобных сцежках. Найпрыгажэйшыя Метэоры на заходзе, і многія даведнікі згадваюць гэтае месца ў ліку тых, якія абавязковае для візіту.

Гісторыю гэтых скал навукоўцы пачалі вывучаць больш за сто гадоў таму, высоўваючы розныя тэорыі іх утварэння. Аднак сёння прынята пільнавацца версіі нямецкага геолага Філіпсана, агучанай ім у канцы 19-га стагоддзя. Ён меркаваў, што мільёны гадоў таму тут працякала велізарная рака, якая ўпадала ў мора. А 20-30 мільёнаў гадоў таму, калі на тэрыторыі цяперашняй Еўропы пачаўся грандыёзны рух слаёў кары Зямлі і вялікая частка Еўропы моцна паднялася, воды, якія пакрывалі гэтую тэрыторыю, сышлі ў Эгейскае мора, а на сушы з'явіліся скалы і горы.

Вядома, у гэтым цудоўным месцы жылі людзі, якія сяліліся паміж скаламі і нават у іх саміх.

Хрысціяне ўважалі гэта месца за дар і шэдэўр Бога, таму блізу 1 000 гадоў таму на вяршыні скалы быў пабудаваны першы праваслаўны манастыр, за якім узніклі іншыя - манастыр Вялікі Метэор, манастыр Святога Стэфана, манастыр Святой Тройцы, манастыр Святога Мікалая, манастыр Святога Анапаўсаса і манастыр Русану.

І ўсе яны знаходзяцца на вяршынях скал, на вышыні на некалькі сотняў метраў. Вялікі Метэор з яго сярэднявечнай царквой, дзівосным алтаром і убраннем - самая папулярная турыстычная славутасць. У перакладзе з грэцкага Метэор азначае "лунаюць у паветры", і да гэтага манастыра вядуць 170 прыступак.

Усяго ў гэтым месцы існавала блізу 20 манастыроў (многія не захаваліся), і большасць былі пабудаваныя некалькі сотняў гадоў таму, каб засцерагчы манахаў ад свецкага жыцця і наблізіць да Бога. У старажытныя часы манахі падымаліся ў манастыры з дапамогай прымітыўных кошыкаў. Такім жа спосабам ім дастаўлялі прадукты і іншыя патрэбныя рэчы. І толькі ў 1925 годзе для палягчэння доступу да манастыроў у скалах былі выбітыя прыступкі.

Сёння гэтыя скальныя манастыры з'яўляюцца адным з самых цікавых культурных помнікаў Грэцыі. ААН прызнала іх унікальным аб'ектам культурнай спадчыны. Адрэстаўраваныя будынкі і музеі адкрытыя для агляду.