У Расеі школьнікі ад голаду страчваюць прытомнасць

У дзяцей з Кузбаса проста няма на харчаванне.

У Кемераўскай вобласці школьнікі, бацькі якіх не могуць плаціць за харчаванне, праз у голад страчваюць прытомнасць. Як піша «Інтэрфакс», пра гэта распавёў упаўнаважаны ў правах дзіцяці ў рэгіёне Дзмітрый Кісліцын, выступаючы на сесіі абласнога савета, паведамляе znak.com.

«Адны дзеці ў нас ідуць на абед у школах, а другія сядзяць у класах і не абедаюць. Пачасціліся выпадкі страты прытомнасці дзяцей ад голаду, што прымушае трывожыцца. (У бацькоў - ІФ) няма грошай, каб пакарміць дзіця з раніцы, а тым больш даць яму на абед тыя самыя 50 рублёў, якія дзіця павінна плаціць за абеды. Гэтыя выпадкі не адзінкавыя, спачатку было адное дзіця, цяпер пакаціўся цэлы ком», - сказаў Кісліцын. Са слоў дзіцячага амбудсмэна, такая сітуацыя назіраецца з вучнямі сельскіх школ і дзецьмі, якіх прывозяць у школы з вёсак.

Кісліцын паведаміў, што звярнуўся да камерцыйных прадпрыемстваў з просьбай аплачваць выдаткі дзяцей. На сёння «шэфства» ўзятае над адной са школ Кемераўскага раёна, дапамога надаецца 11 школьнікам.