«Дармаеды» - галоўная пагроза рэжыму Лукашэнкі

Ці паставім мы на ўладах тлустую кропку - залежыць ад нас.

Міністр працы Касцевіч адзначыла «станоўчыя бакі» стварэння базы звестак, у якую трапілі 500 тысяч беларусаў і радасна заявіла, што «тоўстая кропка» ў працы з «дармаедамі» не пастаўленая. «Чым добрая база не занятых у эканоміцы - гэта ўнікальны інструмент паглядзець, што адбываецца на рынку працы. Мы ўбачылі новыя кірункі занятасці чалавека. База - механізм, які дапаможа па-іншаму зірнуць на сітуацыю на рынку працы», піша Telegram-канал «Баста!».

Грамадскія лідары і актывісты ўжо неаднаразова папярэджвалі аб тым, што падвышаная «камуналка» для непрацуючых грамадзян - толькі першы крок аперацыі ў рабаванні беларусаў. Галоўным у ёй было стварэнне базы звестак - унікальнага, са слоў міністра, інструмента. У яе трапілі самыя актыўныя жыхары краіны - тыя, хто навучыўся сам, без дапамогі дзяржавы, зарабляць грошы, тыя, хто менш за іншых залежыць ад чыноўнікаў і кіраўніка-самадура. Гэтыя людзі - галоўная пагроза рэжыму.

Сёння міністр пацвердзіла, што нас - якія трапілі ў базу звестак - чакаюць у гэтым годзе сюрпрызы. Першы атрымаем у пачатку лютага. Гэта новыя «рахункі» для многіх уласнікаў кватэр. Ці хопіць ва ўладаў смеласці для новых эксперыментаў або мы ўсё ж самі паставім на іх «тлустую кропку» - залежыць ад нас.