Прэс-марафон Зяленскі ўсталяваў сусветны рэкорд
26- 10.10.2019, 19:23
- 15,595
Зносіны прэзідэнта Украіны з журналістамі працягваюцца амаль дзевяць гадзін.
Прэс-марафон прэзідэнта Уладзіміра Зяленскага, які праходзіць у фуд-маркеце Кіева ў чацвер, 10 кастрычніка, усталяваў сусветны рэкорд па працягласці, паведамляе korrespondent.net.
Падчас размовы прэзідэнта з журналістамі з'явілася яго прэс-сакратарка Юлія Мядзель з прадстаўніком Нацыянальнага рэестра рэкордаў.
«У нас сусветны рэкорд!», - паведаміла Мядзель
«Ужо цяпер прэс-канферэнцыя доўжыцца больш за восем гадзін, пабіты рэкорд не буду казаць чый, перавышаны ўжо на 45 хвілін», - сказаў прадстаўнік кнігі рэкорду і ўручыў Зяленскаму дыплом.
Пры гэтым ён адзначыў, што, магчыма, зносіны прэзідэнта з журналістамі працягнуцца да 9-10 гадзін вечара.
Варта адзначыць, што прэс-марафон працягваецца ўжо дзявятую гадзіну. Для ўдзелу ў ім акрэдытаваліся 300 журналістаў.