Паўднёвая Карэя набудзе ў ЗША яшчэ 20 знішчальнікаў F-35
1- 11.10.2019, 13:12
- 5,951
Сеул абвесціў пра прадаўжэнне закупак знішчальнікаў пятага пакалення.
10 кастрычніка ўрад Паўднёвай Карэі абвесціў, што плануе прадоўжыць закупкі дадатковых знішчальнікаў пятага пакалення F-35 Lightning II. У 2021–2025 гадах карэйскія ВПС збіраюцца атрымаць гэтыя самалёты, якія абыдуцца на 3,3 мільярда даляраў. Пра гэта паведамляе часопіс Scramble Magazine са спасылкай на Міністэрства нацыянальнай абароны Рэспублікі Карэя.
Яшчэ ў 2014 годзе ВПС Паўднёвай Карэі замовілі ў ЗША 40 F-35A на 6,4 мільярда даляраў. Пастаўкі стартавалі ў пачатку гэтага года, і сёння Сеулу адпраўлена восем самалётаў.
Крыніцы ў паўднёвакарэйскім урадзе раней сцвярджалі, што ў краіну могуць быць пастаўленыя знішчальнікі вертыкальнага ўзлёту F-35B, каб выкарыстоўваць іх з палубы новага 30 000-тоннага ўніверсальнага дэсантнага карабля, які ўступіць у строй у 2030-я гады. Але Карэйскі інстытут абароннага аналізу аспрэчыў гэтую інфармацыю, заявіўшы, што Сеул набудзе F-35A, а не B. Магчыма, гэта звязана з тым, што палубная версія знішчальніка нашмат даражэйшая за звычайную.