NEXTA: У беларускіх каледжах апавядаюць пра «крыважэрных украінскіх фашыстаў»

Не дайце сябе падмануць.

Пасля ўвядзення незаконнай забароны на выкарыстанне мабільных тэлефонаў у школах і каледжах маладому пакаленню сталі больш актыўна вешаць на вушы локшыну, піша Telegram-канал NEXTA.

Так, першая яе порцыя адправілася на вушы навучэнцаў Менскага каледжа прадпрымальніцтва. Там майстар забіў на навучальную праграму, і з недарэчнага збегу абставінаў выкладнік дапрызыўнай падрыхтоўкі Гурыновіч А.А. апавядаў пра "крыважэрных фашыстаў, якія разбуралі радзільні і забівалі мірных жыхароў" ва Украіне, папракаючы пры гэтым "трэція сілы", якія "дзяўбуцца паміж сабой". У некаторых момантах запісу так і хочацца задаць падпалкоўніку ў запасе слушнае пытанне: "Ти що, з глузду з’їхав, чи що?"

А ў сталічнай гімназіі №44 не проста развешвалі на вушы локшыну, але і пасыпалі неакрэплыя мазгі пудрай. Адмянілі паўурока, каб тэрмінова расказаць пра выдатнага "прэзідэнта" і паказаць ролік пра "краіну для жыцця". Мабыць, без ролікаў не вельмі відаць. Vybory is coming...

Не дайце сябе падмануць.