Відэафакт: Маск паказаў, што знаходзіцца ўнутры карабля, які паляціць на Марс

Прэзентацыя Starship кампаніі SpaceX стала адной з галоўных падзей на гэтым тыдні.

Кіраўнік кампаніі SpaceX Ілон Маск апублікаваў у сябе ў Twitter відэа, на якім паказаны грузавы адсек новага карабля Starship. Плануецца, што апарат зможа ўзяць на борт да 100 чалавек за адзін раз, паведамляе «Новое время».

Прэзентацыя самага вялікага касмічнага карабля Starship кампаніі SpaceX стала адной з галоўных падзей на гэтым тыдні. Са слоў заснавальніка SpaceX Ілона Маска, ягоныя падапечныя распрацавалі самую магутную ракету ў гісторыі чалавецтва.

Але, справа не толькі ў памеры і магутнасці Starship, хоць яны, безумоўна, уражваюць, а ў тым, што новы касмічны карабель павінен пачаць доўгачаканую эру каланізацыі, якую Ілон Маск анансуе апошнія некалькі гадоў. Менавіта з дапамогай гэтай ракеты SpaceX плануе адпраўляць людзей на Месяц і Марс.

Праз некалькі дзён пасля прэзентацыі карабля Маск паказаў, дзе ж менавіта правядуць некалькі месяцаў падчас падарожжа да Марса першыя яго каланізатары. На сваёй старонцы ў Twitter кіраўнік SpaceX апублікаваў відэа, дзе паказаная ўнутраная частка Starship.

Знутры карабель больш падобны на велізарны тунэль, хоць, як вядома, пакуль гэта толькі прататып, і касмалёт чакаюць яшчэ многія дапрацоўкі перад тым, як ён здзейсніць свой першы палёт.

«Унутры грузавога адсека Starship. Калектарныя бакі ўсталяваныя ў верхняй частцы, каб кампенсаваць вагу рухавіка ззаду», - паказаў Маск.

Карабель павінны ўкамплектаваць 37 рухавікамі Raptor, тэставыя запускі якіх вырабілі раней. Мяркуецца, што сілавая ўстаноўка забяспечыць удвая большую цягу, чым у найбуйнейшай дзейнай ракеце NASA - Saturn V. З даўжынёў 50 метраў і вагай 120 тон Starship будзе здольны браць на борт да 100 людзей за адзін раз.

Хоць, са слоў Маска, інжынеры павінны знізіць пачатковую вагу карабля да яго першых палётаў. «Усе думаюць, што сталь цяжкая, - кажа Ілон Маск. - Але напраўду сталёвыя канструкцыі - самыя лёгкія». Кіраўнік SpaceX таксама пахваліўся, што яны здорлелі вырабіць карабель за меншыя грошы, чым меркавалася першапачаткова.

У планах SpaceX Starship павінен стаць асноўным транспартам для каланізацыі Месяца і Марса ў найбліжэйшыя 10 гадоў. Першыя тэставыя палёты Starship у межах зямной атмасферы павінны адбыцца ў найбліжэйшыя пару месяцаў, а першы арбітальны ваяж карабля плануюць на пачатак 2020 года.

Адразу пасля прэзентацыі першага камерцыйнага пілатаванага касмічнага карабля, Ілон Маск паспеў затроліць кіраўніцтва нацыянальнага касмічнага агенцтва ЗША NASA. Пару дзён таму кіраўнік NASA Джым Брайдэнстайн заявіў, што да палётаў камерцыйных пілатаваных касмічных караблёў засталіся яшчэ гады.

Пасля гэтага, Ілон Маск зрабіў выгляд, што не пачуў пытанне рэпарцёра CNN і перапытаў, маўляў «Брайдэнстайн сказаў камерцыйных караблёў або SLS?». Такім чынам кіраўнік SpaceX намякнуў на праект звышцяжкай ракеты-носьбіта SLS, рэалізацыя якога цягнецца з пачатку 2000-х.

Паколькі розныя прэзідэнты ЗША мянялі стратэгіі касмічнага развіцця і планы збудавання ўласнай новай ракеты-носьбіта, праект SLS то замарожвалі, то аднаўлялі ў розныя перыяды. Цяпер NASA плануе першыя запускі SLS на пачатак 2020-х.