З беларускіх аптэк прапаў «Ёдамарын»
5- 7.10.2019, 15:13
- 14,757
Калі завязуць папулярны прэпарат, у аптэках не ведаюць.
Ex-press.by адправіўся на пошукі «Ёдамарыну» або ўсякіх іншых лекаў, якія ўтрымлівалі б ёд.
У дзяржаўнай аптэцы такіх лекаў няма.
На пытанне журналістаў, з чым звязаная адсутнасць «Ёдамарыну» ў горадзе, у аптэках кажуць:
- «Ёдамарын» скончыўся ва ўсіх аптэках, калі ён з'явіцца, мы не ведаем. Яго адсутнасць звязаная з перабоямі ў пастаўцы. Канкрэтных тэрмінаў нам не называюць, але вы можаце набыць іншыя таблеткі, у складзе якіх ёсць ёд.
У аптэцы на Чапаева ўдалося знайсці лекі з ёдам.
Журналісты набылі фоліевую кіслату + ёд. За ўпакоўку аддалі 2,27 рубля.
«Ёдамарына» ў горадзе няма, журналістка наведала некалькі аптэк. І ў прыватных, і ў дзяржаўных аптэках правізары разводзяць рукамі.
Міністэрства аховы здароўя кажа, што пастаўкі адновяцца ў кастрычніку:
- Наяўнасць лекавага сродку «Ёдамарын» у вельмі абмежаванай колькасці звязаная з адсутнасцю магчымасці адгрузкі ў нямецкага вытворцы. Аднаўленне паставак чакаецца ў трэцяй дэкадзе кастрычніка.
Цяпер у аптэчнай сетцы маюцца ў наяўнасці БАД, а калію ёдыд уваходзіць у склад практычна ўсіх вітамінна-мінеральных комплексаў.
Якія лекі могуць замяніць «Ёдамарын»?
«Калію ёдыд» - таблеткі 100 мг і 200 мг вытворчасці РФ, «Ёд + фоліевая кіслата» - таблеткі 200 мг вытворчасці РБ, а таксама лекавыя сродкі «Антыаксікапс з ёдам» - капсулы вытворчасці РБ.