13 красавiка 2024, Субота, 13:13
Падтрымайце
сайт
Сім сім,
Хартыя 97!
Рубрыкі

АБСЕ не прызнала «выбары» ў Беларусі

79
АБСЕ не прызнала «выбары» ў Беларусі

(абноўлена) Яны не адпавядалі міжнародным нормам.

Міжнародныя назіральнікі ад БДІПЧ АБСЕ і Парламенцкай асамблеі АБСЕ мяркуюць, што парламенцкія «выбары» ў Беларусі не адпавядалі важным міжнародным стандартам дэмакратычных выбараў, паведамляе tut.by.

Пра гэта на прэс-канферэнцыі ў Менску заявіла Спецыяльная каардынатарка АБСЕ Маргарэт Седэрфельт.

- Асноўныя свабоды не выконваліся, а аб'ектыўнасць выбарчага працэсу не была належным чынам гарантаваная на датэрміновых парламенцкіх выбарах у Беларусі, нягледзячы на павелічэнне колькасці зарэгістраваных кандыдатаў, - да такой высновы прыйшлі міжнародныя назіральнікі ў сваёй папярэдняй заяве.

Спецыяльная каардынатарка АБСЕ Маргарэт Седэрфельт заявіла, што так званыя выбары прайшлі ў спакойнай абстаноўцы, але не адпавядалі важным міжнародным стандартам дэмакратычных выбараў.

- Мы адзначылі агульнае грэбаванне асноватворнымі свабодамі самавыяўлення, сходаў і асацыяцый. Акрамя таго, мы адзначылі, што вялікая колькасць кандыдатаў падалі заяўкі на ўдзел у «выбарах», але іх удзел абмежавалі. Гэтыя «выбары» прадэманстравалі поўную адсутнасць выканання дэмакратычных абавязацельстваў. У дзяржаве, дзе паўнамоцтвы і незалежнасць «парламенту» абмежаваныя, а асноўныя свабоды як выбаршчыкаў, так і кандыдатаў ушчамляюць, існуе небяспека ператварэння парламенцкіх «выбараў» у фармальнасць, - заявіла Седэрфельт.

Прадстаўнікі АБСЕ чарговым разам прыйшлі да высновы, што прававая база Беларусі не гарантуе дэмакратычныя «выбары». Пасля мінулых «выбараў» былі прынятыя пэўныя намаганні ў змене выбарчага заканадаўства, але ніякіх канкрэтных крокаў беларуская ўлада не зрабіла.

- Нашы папярэднія рэкамендацыі ў змене выбарчага заканадаўства застаюцца ў дзеянні. Яны звязаныя з абмежаванымі складамі камісій, правамі кандыдатаў і празрыстасцю пры працэдуры падліку галасоў. Учора мы сталі сведкамі сумнага выніку, - дадала спецкаардынатарка.

Напісаць каментар 79

Таксама сачыце за акаўнтамі Charter97.org у сацыяльных сетках