27 лютага 2024, aўторак, 21:05
Падтрымайце
сайт
Сім сім,
Хартыя 97!
Рубрыкі

Euronews: «Беларусы ненавідзяць Лукашэнку»

59
Euronews: «Беларусы ненавідзяць Лукашэнку»

Апазіцыя не прызнае вынікі «выбараў».

Беларуская апазіцыя не прызнае вынікі «выбараў» у Беларусі, паведамляе euronews.com.

Паводле інфармацыі ЦВК, усе 110 «дэпутацкіх мандатаў» размеркавалі паміж сабой праўрадавыя партыі і рухі.

Апазіцыйныя сілы не прызнаюць вынікі так званых выбараў.

Са слоў каардынатара руху «Еўрапейская Беларусь» Яўгена Афнагеля, улады бачаць незадаволенасць у грамадстве і баяцца прапусціць апазіцыю ў так званы парламент:

- Натуральна, вынікі «выбараў» мы не прызнаем. Натуральна, было першапачаткова зразумела, што апазіцыю ў так званы парламент не прапусцяць з адной простай прычыны: Лукашэнку ненавідзяць большасць беларусаў, і большасць беларусаў выступаюць супраць яго. Мы два месяцы праводзілі пікеты, праводзілі акцыі ў розных гарадах краіны. Мы бачым настроі людзей, мы бачым, што яны крытыкуюць улады, мы бачым, што абсалютная большасць людзей не ўспрымаюць дыктатара, не ўважаюць яго за легітымнага і жадаюць ягонай замены, ягонай адстаўкі.

Гэта напэўна галоўная прычына, чаму Лукашэнка баіцца прапусціць у цалкам падкантрольны яму «парламент» нават аднаго-двух прадстаўнікоў апазіцыі. Яны [улады - заўв.] ведаюць настроі людзей, яны бачаць нашу актыўнасць, актыўнасць наогул апазіцыі. І сведчыць гэта толькі аб адным - Лукашэнка проста панічна баіцца пераменаў, панічна баіцца, што яго ўсё ж прагоняць найбліжэйшым часам. Налета ў Беларусі адбудуцца прэзідэнцкія выбары. Гэта наогул апошнія «выбары», якія Лукашэнка рыхтуе.

Нагадаем, у АБСЕ таксама не прызналі «выбары» ў Беларусі сумленнымі.

Напісаць каментар 59

Таксама сачыце за акаўнтамі Charter97.org у сацыяльных сетках