Эканаміст: Цяпер добры момант, каб набываць амерыканскую нафту

На сусветным рынку склалася ўнікальная сітуацыя.

Менск не перастае шукаць новых рынкаў для набыцця чорнага золата. Ужо паўгода ў Беларусь можа паступіць нафта з ЗША. Больш за тое, «Беларуснафта» нават плануе запрасіць да распрацоўкі цяжказдабыўных запасаў нафты амерыканскіх спецыялістаў. Наколькі гэта будзе карысна і як на гэта адрэагуе Крэмль?

Эканамічны аглядальнік «Белсата» Станіслаў Івашкевіч адказаў на пытанні журналістаў:

«Тэарэтычна цяпер добры момант для таго, каб набываць амерыканскую нафту, таму што на амерыканскім рынку назіраецца яе перавытворчасць. Цяпер Амерыка экспартуе больш нафты, чым імпартуе. Гэта даволі рэдкі выпадак, і адпаведна гэтая нафта таннейшая. Акрамя таго можна выкарыстоўваць пастаўкі такога тыпу, напрыклад, Расея шмат імпартуе нафты ў ЗША, а назад танкеры часта вяртаюцца пустымі. Таму калі загрузіць іх амерыканскай нафтай па шляху назад, то гэты шлях можа стаць больш танным.

Але ўся гісторыя паставак нафты ў Беларусь кажа пра тое, што беларускі ўрад ніколі не адважыцца на істотную дыверсіфікацыю».

Прадаўжэнне глядзіце ў відэа.