Пратэсты ў абарону клімату праходзяць ва ўсім свеце

Чакаецца, што ва ўсім свеце ў акцыях возьмуць удзел сотні тысяч чалавек.

Аўстралія стала першай краінай, дзе ў пятніцу, 29 лістапада, прайшлі акцыі ў абарону клімату ў рамках акцый Fridays for Future. У мегаполісе Сіднэі, які шмат дзён ахутаны клубамі дыму праз лясныя пажары, сотні школьнікаў і кліматычных актывістаў сабраліся перад штаб-кватэрай кіроўнай у Аўстраліі Ліберальнай партыі. Дэманстранты мяркуюць, што менавіта змены клімату выклікалі спусташальныя пажары, што больш за тры тыдні палаюць у штаце Новы Паўднёвы Уэльс на паўднёвым усходзе краіны. "Вы спальваеце нашую будучыню", - напісана на адным з транспарантаў, піша "Нямецкая хваля".

Пратэсты накіраваныя перш за ўсё супраць прэм'ер-міністра Аўстраліі Скота Морысана, які аспрэчвае сувязь пажараў з кліматычнымі зменамі. "Бяздзейнасць нашага ўраду ў кліматычным крызісе распаліла лясныя пажары", - мяркуе адна з лідараў пратэстаў Шыян Брадэрык.

Пратэсты супраць змены клімату прайшлі і ў Японіі. Сотні дэманстрантаў прайшлі па Такійскім раёне Сындзюку, дзе базуюцца офісы найбуйнейшых карпарацый Японіі.

Чакаецца, што ў кліматычных пратэстах у пятніцу ва ўсім свеце возьмуць удзел сотні тысяч чалавек. У Нямеччыне акцыі моладзі, арганізаваныя рухам "Пятніцы дзеля будучыні" (Fridays For Future), пройдуць у больш як 500 гарадах. Нямецкія абаронцы клімату патрабуюць дапрацоўку ўрадавага кліматычнага пакета і хутчэйшага адмовы Нямеччыны ад вугальнай энэргетыкі.