Столтэнберг заявіў аб павелічэнні выдаткаў NATO на абарону на $400 мільярдаў

Генеральны сакратар Альянсу назваў гэта «беспрэцэдэнтным прагрэсам».

Абаронныя выдаткі NATO ўзрастуць на $400 млрд да 2024 года ў параўнанні з паказчыкамі 2016 года. Пра гэта паведаміў генеральны сакратар альянсу Енс Столтэнберг падчас прэс-канферэнцыі напярэдадні саміту NATO ў Лондане, які павінен прайсці з 3 да 4 снежня гэтага года. Тэкст выступу Столтэнберга апублікаваны на сайце альянсу, піша РБК.

«Гэта беспрэцэдэнтны прагрэс, і гэта робіць NATO мацнейшым», - заявіў генеральны сакратар альянсу.

Са слоў Столтэнбэрга, у 2019 годзе выдаткі на абарону еўрапейскіх дзяржаў і Канады ўзраслі ў рэальным вылічэнні на 4,6%. Ён таксама адзначыў, што рост абаронных выдаткаў фіксуецца ўжо пяты год запар. Акрамя гэтага, Столтэнберг паведаміў, што сёлета дзевяць краін альянсу павінны выйсці на паказчык абаронных выдаткаў у суме 2% ВУП.