Стральба на Лонданскім мосце: ёсць пацярпелыя
- 29.11.2019, 18:27
- 13,390
Мост ачэплены паліцыяй.
Лонданская паліцыя паведамляе аб стральбе на Лонданскім мосце. Як мінімум адзін чалавек пацярпеў, мост ачэплены паліцыяй, паведамляе расейская служба ВВС.
Паліцыя Лондана абвясціла ў "Твітэры", што атрымала паведамленне пра напад з выкарыстаннем нажа, і што падчас інцыдэнту затрыманы адзін чалавек.
Паліцыя таксама паведамляе аб пацярпелых: "Мы мяркуем, што некалькі чалавек параненыя".
Police were called at 1:58pm to a stabbing at premises near to London Bridge.
— Metropolitan Police (@metpoliceuk) 29 ноября 2019 г.
Emergency services attended, including officers from the Met and @CityPolice.
A man has been detained by police. We believe a number of people have been injured. Further info to follow.
У сацыяльных сетках з'явіліся знятыя відавочцамі відэа, на якіх ўзброеныя паліцыянты адцягваюць ад аднаго чалавека іншых, а затым паліцыянт страляе ў гэтага чалавека.
На іншых відэа гэты чалавек ужо нерухома ляжыць на ходніках на мосце, а байцы спецпадраздзялення паліцыі цэляцца ў яго з адлегласці прыкладна дваццаць метраў.
Карэспандэнт ВВС Джон МакМанус, які выпадкова апынуўся на мосце ў момант інцыдэнту, распавёў, што спачатку ён бачыў, як на мосце білася група мужчын - некалькі чалавек спрабавалі ўціхамірыць аднаго.
Затым, са слоў карэспандэнта, амаль адразу прыбыла паліцыя, людзі пабеглі з моста, і прагучалі спачатку два стрэлы, а затым яшчэ некалькі.
Лонданскі мост і прылеглыя да яго вуліцы на абодвух берагах Тэмзы ачэпленыя, на месца прыбылі дзясяткі паліцыянтаў.