Якое надвор'е чакае беларусаў у выходныя

Лістапад развітваецца з намі адлігай, якая суправаджаецца туманамі і галалёдам.

Такое надвор'е захаваецца і ўначы, але ўжо заўтра ўдзень халоднае паветра з поўначы Еўропы прынясе паніжэнне тэмпературы, падмарозіць, на дарогах будзе вельмі слізка. Акрамя таго, пахаладанне будзе суправаджацца парывістым ветрам. Але ўжо ў сярэдзіне наступнага тыдня зноў пацяплее. Пра гэта tut.by паведамілі ў Белгідрамеце Мінпрыроды.

У суботу, 30 лістапада, пад уплывам франтальных раздзелаў у многіх раёнах рэспублікі пройдуць невялікія кароткачасовыя ападкі (дождж, які будзе пераходзіць у мокры снег). Уначы і ўранку месцамі туман, слабы галалёд, на асобных адцінках дарог галалёдзіца. Тэмпература паветра цягам дня складзе 0...+5°С, у другой палове дня тэмпература панізіцца да -1...3°С і на дарогах утворыцца галалёдзіца. На 30 лістапада сіноптыкі абвясцілі аранжавы ўзровень небяспекі праз галалёдзіцу.

У нядзелю, 1 снежня, варункі надвор'я будзе вызначаць няўстойлівае халодная паветраная маса, якая паступае з поўначы Еўропы. У асобных раёнах краіны пройдзе кароткачасовы снег, на дарогах захаваецца галалёдзіца. Тэмпература паветра мінімальная ўначы -2...7°С, максімальная тэмпература ўдзень -4...+2°С.

У панядзелак, 2 снежня, уначы ў асобных раёнах, раніцай і ўдзень на большай частцы тэрыторыі краіны кароткачасовы снег. На дарогах месцамі галалёдзіца. Тэмпература паветра мінімальная ўначы -1...7°С, пры прасвятленнях паветра астудзіцца да -9°С, максімальная тэмпература ўдзень -4...+2°С.

За мінулыя дні некалькі дзясяткаў чалавек трапілі ў лякарню праз траўмы з-за галалёдзіцы. Надвор'е пачне мяняцца ў сераду. Змена надвор'я будзе суправаджацца парывістым ветрам. Месцамі на дарогах зноў будзе галалёдзіца.