Міністэрства фінансаў распавяло, як будуць спаганяць «дарожны падатак»

Рашэнне прынятае амаль канчаткова.

Міністэрства фінансаў падрыхтавала праект указа аб змене існай сістэмы выплаты дзяржаўнага падатку за доступ транспартных сродкаў да ўдзелу ў дарожным руху. Ён прадугледжвае ўвядзенне замест дзяржаўнага падатку платы, якая будзе насіць непадатковы характар, у той жа суме, якая дзейнічае цяпер, заявіў у эфіры праграмы «Неделя» тэлеканал СТВ міністр фінансаў Максім Ермаловіч, піша tut.by.

Ермаловіч дадаў, дзяржава ўзмацняе кантроль за гэтымі плацяжамі.

Пытанне аб тым, як спаганяць гэты збор, абмяркоўвалася даўно. Ёсць апаненты, якія ўважаюць, што прапанаваны Міністэрствам фінансаў механізм досыць складаны.

- І самым простым і справядлівым лічаць уключэнне ўсёй фінансавай нагрузкі па дарожнаму будаўніцтву ў кошт аўтамабільнага паліва праз павелічэнне акцызаў альбо ўвядзенне нейкага дадатковага падатку на аўтамабільнае паліва, - растлумачыў Ермаловіч.

Але ў гэтым выпадку рост кошту склаў бы больш за 10 капеек на літр.

Паводле яго ацэнкі, пройдзе яшчэ адно абмеркаванне, на якім будзе прынятае канчатковае развязанне.