Лукашэнка: Жыць не хочацца
61- 13.12.2019, 13:02
- 51,261
Дыктатар апавёў, як адчувае сябе пасля даклада міністраў.
Пра гэта ён заявіў падчас сустрэчы са студэнтамі і выкладнікамі медыцынскіх універсітэтаў, паведамляе БелТА.
«Ведаю, вам вельмі цяжка. Лекар – жорсткая прафесія. Табе за адзін дзень могуць мора кампліментаў выказаць, пакланіцца ў пояс, на калені стаць, пацалаваць бот. І пасля абеду могуць так аблаяць, што жыць не захочацца. Такі ваш лёс. Некага вы за дзень, і нямала, вылечыце, а некаму ж не зможаце дапамагчы. І ад гэтага залежаць вашы жыццё і настрой, – сказаў Лукашэнка. Гэта амаль як у мяне. З раніцы напаскудзяць так...
Пасля дакладаў міністраў жыць не хочацца. Да абеду нібыта якое сонца здалося з-за хмараў. Увечары ¬– назад. Потым ноч не спіш», – паскардзіўся дыктатар.