Навукоўцы навучыліся праз ДНК вызначаць шанцы на выжыванне

За апошнія 200 гадоў сярэдняя працягласць жыцця людзей павялічылася больш чым удвая.

Аўстралійскія навукоўцы падлічылі працягласць жыцця вымерлых жывёл і старажытных людзей праз узоры ДНК, якія захаваліся ад іх.

Нашы вымерлыя сваякі - неандэртальцы і дзянісаўскай людзі - дажывалі да 38 гадоў. Гэта прыкладна ўдвая менш за працягласць жыцця сучаснага чалавека.

А, напрыклад, працягласць жыцця шарсцістых мамантаў дасягала 60 гадоў.

Таксама даследчыкі прааналізавалі ДНК відаў жывёл, пра якіх пакуль вядома мала, такіх як кітоў, піша BBC.

З іх слоў, грэнландскі кіт, магчыма, з'яўляецца доўгажыхаром-рэкардсмэнам сярод сысуноў. Яго працягласць жыцця дасягае 250 гадоў.

Да сёння гэты паказчык для многіх відаў жывёл, асабліва даўно вымерлых, заставаўся для навукоўцаў загадкай.

"Веды працягласці жыцця вымерлых жывёл могуць даць уяўленне аб умовах іх існавання", - сказаў Бэнджамін Мэйн з аўстралійскага дзяржаўнага аб'яднання навуковых даследаванняў.

"Калі прадстаўнікі нейкага віду паміраюць раней за максімальна магчымы для іх ўзрост, гэта можа паказваць на ўплыў навакольнага асяроддзя, якое спрыяе выміранню віду", - дадаў экспэрт.

Вынікі даследавання: колькі жылі жывёлы?

Шарсцістыя маманты - 60 гадоў

Вандроўны голуб - 28 гадоў

Абінгдонская слановая чарапаха - 120 гадоў

Грэнландскі кіт - 268 гадоў

Шымпанзэ - 39,7 гадоў

Як праводзілася даследаванне?

Навукоўцы выкарысталі ДНК для вызначэння працягласці жыцця відаў жывёл, даследуючы змены ў адцінках ДНК, звязаных са старэннем. Гэтыя "гадзіны ДНК" былі выкарыстаны для прадказанні максімальнай працягласці жыцця жывёл - як жывых, так і памерлых.

Што мы даведаліся?

Вызначэнне працягласці жыцця нашых блізкіх сваякоў паказвае, як сучасная медыцына і змены ў ладзе жыцця дапамаглі нам жыць даўжэй. За апошнія 200 гадоў сярэдняя працягласць жыцця людзей павялічылася больш чым удвая.

Са слоў навукоўцаў, даследаванне можа таксама даць нам большае ўяўленне аб экалогіі і эвалюцыі жывых і вымерлых відаў жывёл, абароне відаў, якія знаходзяцца пад пагрозай знікнення, і ўстойлівым рыбалоўстве.