Навальны распавёў, як скралі самалёт для жонкі Мядзведзева
14- 4.12.2019, 15:54
- 55,452
Новае расследаванне ад расейскага апазіцыянера.
Жонка прэм'ер-міністра Расеі Дзмітрыя Мядзведзева рэгулярна карыстаецца прыватным самалётам Bombardier Global Express 5000 ацэначным коштам блізу 50 мільёнаў даляраў. Бізнэс-джэт, раней належны структурам банка ВТБ, запісаны на кампанію ў Белізе. Гэтыя сцвярджэнні ўтрымліваюцца ў расследаванні Аляксея Навальнага, апублікаваным 4 снежня, паведамляе «Радыё Свабода».
Навальны супаставіў пералёты самалёта з графікам паездак Мядзведзевай і выявіў, што самалёт рэгулярна з'яўляецца там, дзе з'яўляецца Мядзведзева ў адзін і той з ёй час. Сярод маршрутаў борта як папулярныя напрамкі ў Еўропе, так і ваенная авіябаза ў Ніжагародскай вобласці. Навальны знайшоў як мінімум 11 супадзенняў маршрутаў.
Згодна з апошняй дэкларацыяй аб прыбытках прэм'ер-міністра, у 2018 годзе за год ён зарабіў блізу 10 мільёнаў рублёў. У Святланы Мядзведзевай паказаны нулявы прыбытак. Кошт арэнды бізнэс-джэта такога класу – блізу 7–10 тысячаў даляраў. Гэта значыць месячнага заробку сямейнай пары Мядзведзевых хапіла б на паўтары гадзіны арэнды самалёта, – падлічылі журналісты.
Жонцы прэм'ер-міністра не належыць мець асабісты самалёт, адзначае Навальны. Ён мяркуе, што выкарыстанне бізнэс-джэта можа быць звязанае з карупцыяй.