Беларусы замежжа выйшлі на пікет супраць «паглыблення інтэграцыі»
- 7.12.2019, 10:59
- 23,951
Акцыя прайшла ля офіса Еўракамісіі ў Брусэлі.
Удзень 6 снежня каля будынка Еўрапейскай камісіі ў Брусэлі беларусы і ўкраінцы правялі пікет супраць «паглыблення інтэграцыі» Беларусі і Расеі. Падчас пікету яны раздавалі бюлетэнь, у якім пісалі, што толькі NATO можа быць гарантам бяспекі Еўропы.
«Вядома, што ў найбліжэйшы час паміж кіраўніком Крамля Пуціным і ягонай марыянеткай Лукашэнкам будзе падпісанае ганебнае пагадненне, якое пазбавіць Беларусь незалежнасці і суверэнітэту», – паведамляе сайт belarus.eu.
Удзельнікі пікету заклікалі жыхароў Беларусі выходзіць на акцыі пратэсту ў дзень перамоваў Лукашэнкі і Пуціна, каб «абараняць Беларусь і яе незалежнасць, здабытую крывёю і жыццямі беларускіх патрыётаў».