«Луч» вырабіў лімітаваную калекцыю гадзіннікаў да Дня роднай мовы

Менскі гадзіннікавы завод вырабіў калекцыю гадзіннікаў «Мова».

Да Міжнароднага дня роднай мовы, які адзначаецца 21 лютага, Менскі гадзіннікавы завод вырабіў калекцыю гадзіннікаў «Мова», паведамляе «Белсат».

На адваротным баку гадзіннікаў выгравіраваныя словы прадмовы да першага зборніка вершаў Францішка Багушэвіча «Не пакідайце ж мовы нашай беларускай, каб не ўмёрлі».

На лічбоўнік гадзіннікаў нанесеныя зычныя [дз] і [дж]. Гадзіннік «Мова» з [дж] каштуе Br 239, а версія [дз] – Br 219.